Польш Улсад зуны улирлын замын хөдөлгөөний хязгаарлалт эхэллээ
Польш Улсад зуны улирлын замын хөдөлгөөнд тавих хязгаарлалт ихэвчлэн 6 дугаар сарын сүүлийн баасан гаригт хэрэгжиж эхэлдэг. Гэвч энэ онд сурагчдын амралт эрт эхэлсэнтэй холбоотойгоор замын хөдөлгөөний хязгаарлалт 2023 оны 6 дугаар сарын 23-ны баасан гаригаас эхэлж байна.
Зуны улирлын замын хөдөлгөөний хязгаарлалт нь 2023 оны 6 дугаар сарын 23-ны өдрөөс 8 дугаар сарын 27-ны өдрийг дуустал амралтын өдрүүдэд үйлчилнэ.
- Баасан гаригт 18:00-22:00 цагийн хооронд
- Бямба гаригт 08:00-14:00 цагийн хооронд
- Ням гаригт 08:00-22:00 цагийн хооронд
“БАМАП” холбооны тэмдэглэл:
Польш Улс дахь замын хөдөлгөөний хязгаарлалтын талаарх дэлгэрэнгүй мэдээллийг холбооны веб сайтын “Тээвэрлэлтийн нөхцөл” хэсгээс авах боломжтой.
Мэдээллийн эх сурвалж: ZMPD