Европын холбооны улсууд руу импорт, реимпорт хийх тээвэрчдийн анхааралд

TIR-EPD-ээр дамжуулан ENS мэдүүлгийг ЕХ-нд илгээх төлбөртэй үйлчилгээ

Европын холбооны импортын хяналтын систем 2 (ICS2) болон TIR-EPD програмд хийгдсэн шинэчлэлийн хүрээнд Олон улсын автотээврийн холбоо (IRU)-оос Европын холбооны нутаг дэвсгэрт импортлох эсвэл дахин импортлох барааны хувьд барааны ерөнхий мэдүүлэг (ENS)-ийг тээвэрчдэд өгөх шинэ төлбөртэй үйлчилгээг эхлүүллээ.

ENS-ийг TIR-EPD програмд нийцүүлэн нэгтгэсэн ENS-ийн одоогийн шатанд зөвхөн EPD-тэй хамт илгээх боломжтой.

ENS-ийг илгээхийн тулд тээвэрлэгч ENS нэгжийг худалдан авах ёстой – мэдүүлэг өгөхөд шаардлагатай төлбөртэй нэгж юм.

Нэг нэгжийн үнэ 3 шейцарь франк бөгөөд нэг ТИР дэвтрийн урьдчилсан мэдүүлэг илгээхэд ачааны тооноос үл хамааран хэрэглэгчид тухайн EPD-д шаардлагатай олон тооны ENS мэдүүлгийг илгээх боломжтой.

Анхаарх зүйлс:

Ачаа бүрт нэг ENS мэдүүлэг илгээгдэнэ. Жишээ нь, 2 ачаатай TIR-EPD-д 2 ENS мэдүүлэг үүснэ. (ачаа тус бүрт нэг)
ENS мэдүүлгийг зөвхөн TIR-EPD илгээхэд хамт илгээгдэнэ (одоогийн байдлаар)
“Илгээх” товч дарсны дараа ENS нь ICS2 руу илгээгдэж, EPD нь хүлээгдэж буй (on hold) төлөвт шилжинэ.
Бүх ENS мэдүүлгийг хүлээн зөвшөөрч, MRN дугаар авсны дараа TIR-EPD нь NCTS мессежэнд багтсан энэхүү өгөгдөлтэй хамт автоматаар илгээгдэнэ.
Дор хаяж нэг ENS мэдүүлэг татгалзсан бол тухайн TIR-EPD хүлээлгийн горимд үлдэнэ. Энэ тохиолдолд тээвэрлэгч засвар хийх эсвэл орхигдсон мэдээллийн нэмж оруулан шинэ TIR-EPD шинэ хувилбарыг илгээнэ.
Дахин эсвэл засварлаж илгээхэд ENS шинэ нэгж шаардлагатай.
Хэрвээ нэг TIR-EPD-ээс үүсгэсэн бүх ENS мэдүүлэг татгалзсан бол ENS нэгжийн төлбөр буцаан олгогдож, шинэ хувилбарыг үнэ төлбөргүй илгээх боломжтой.
ENS нэгж нь Беларусийн хувьд EPD, ODP нэгжүүдтэй адилхан ажилладаг бөгөөд захиалга-шинэ захиалга- ENS илгээх нэгж хэсгээс авч болно.

Хэд хэдэн нэгжийг нэг зэрэг захиалж болох ба банкны шилжүүлэг эсвэл кредит картаар төлөх боломжтой.
ENS илгээхэд TIR-EPD ашиглахгүй тохиолдолд тээвэрлэгчид товчлуурыг ашиглан энэ функцийг идэвхгүй болгож, зөвхөн EPD-тэй үргэлжлүүлэн ажиллах боломжтой.