НҮБ-ын тогтвортой тээврийн шинэ 10 жил (2026-2035) эхэлнэ

          2023 оны 5 дугаар сард зохион байгуулагдсан НҮБ-ын Ерөнхий Ассамблейн 77 дахь чуулганаар НҮБ-ын “тогтвортой тээврийн өдөр”-ийг тэмдэглэх тогтоолыг баталснаар арваннэгдүгээр сарын 26-ны өдрийг албан ёсоор “Дэлхийн тогтвортой тээврийн өдөр” болгон жил бүр тэмдэглэн өнгөрүүлж байна.

          Энэ жилийн “Дэлхийн тогтвортой тээврийн өдөр” нь НҮБ-ын тогтвортой тээврийн шинэ 10 жил (2026-2035)-ийг автотээврийн салбарт чиглүүлж байгаагаараа онцлог юм.

          2026 оны 1 дүгээр сарын 01-ний өдрөөс эхлэх НҮБ-ын тогтвортой тээврийн шинэ 10 жил нь

• • Тэгш хүртээмж
  • Нүүрстөрөгчийн ялгарлыг бууруулах
  • Логистикийн үр ашигтай байдал
  • Хүн төвтэй хотын хөдөлгөөн
  • Аюулгүй, цэвэр тээвэр
  • Шинжлэх ухаан, технологи, инноваци гэсэн стратегийн 6 чиглэлтэй байх юм.

          Энэ 10 жилийн зорилтуудыг TIR, CMR зэрэг НҮБ-ын конвенцууд, мөн Олон улсын автотээврийн холбооны мэргэжлийн ур чадвар олгох, гэрчилгээжүүлэхтэй холбоотой шийдлүүд болон нүүрстөрөгчийн ялгарлыг бууруулах байгальд ээлтэй практик дээр батлагдсан хэрэгслүүдэд тулгуурлан хэрэгжүүлэх юм.