Сургалтын төлөвлөгөөний танилцуулга

Автомашины цахилгаан болон электрон системийн сургалтын төлөвлөгөө

Сургалтын нэр: Автомашины цахилгаан болон электрон системийн сургалт

Сургалтын зорилго: Автомашины цахилгаан болон электрон системийг засварлагч нарыг мэргэшүүлэхэд оршино.

Сургалтын зорилт: Суралцагсдад автомашины цахилгаан болон электрон системийн анхан ба дунд шатны мэдлэг олгох, улмаар тус системд бий болсон эвдрэл гэмтлийг оношлож чадах мэдлэг олгох.

Заах хичээлийн агуулга:

1. Автомашины цахилгаан болон электроник

Цахилгаан болон электроникийн үндсэн ухагдахуун, цахилгаан тоноглол, асаалтын болон асаах системүүд, гэрэлтүүлэг.

2. Автомашины мэдээлэл, оношлолын систем

Автомашины хянах самбарын мэдээлэл, хөдөлгүүрийн электрон удирдлага, нэмэлт тоног төхөөрөмжүүдийн цахилгаан хэрэглээ, оношлогоо.

3. Автоскайнер

Автомашинд зориулсан төрөл бүрийн тестер, оношлогооны төхөөрөмжүүд, скайнер ашиглан оновчтой оношлох

4. Хөдөлгүүрийн төрлүүдээс хамаарсан нэмэлт оношлогоо.

GDI хөдөлгүүр, COMMON RAIL хөдөлгүүр, хөдөлгүүрийн EGR систем, Traction control, Vehicle stabillity control системүүдийн талаар

Сургалт явуулах орчин:

Хөдөлмөрийн эрүүл ахуйн шаардлага хангасан, нэг ээлжинд 10-15 суралцагч хамрагдах боломжтой танхим болон дадлагын газарт шаардлагатай тоног төхөөрөмжөөр бүрэн тоноглогдсон байна.

Сургагч багш нар:

Их, дээд сургуулийн автотээврийн тэнхимийн цахилгааны багш нар байна.

Суралцагч нарт тавигдах шаардлага:

Автомашины цахилгаан болон электрон системд засвар, оношилгоо хийхээр, эхлэн суралцаж буй сонирхогчид, автомашины засварчин, механик, шалгах механик, автотээврийн байгууллагын ажилтанууд.

Сургалт зохион байгуулах хугацаа: Нийт 5 хоног /хоногт 8 цаг/

Зам, тээврийн яамын “Хүний нөөцийн бүртгэл, мэдээлэл, сургалтын нэгдсэн систем”-ээс гэрчилгээ олгоно.

Холбогдох утасны дугаар: 9697-8638