Хөлбөмбөгийн дэлхийн аварга шалгаруулах тэмцээний үеэр хийх автотээврийн зохицуулалт
ОХУ-ын Засгийн газраас хөлбөмбөгийн дэлхийн аваргын тэмцээн зохион байгуулагдах Москва, Санкт-Петербург, Казань, Сочи, Самар, Нижный Новгород, Ростов-на-Дону, Волгоград, Екатеринбург, Калининград, Саранск хотуудад зорчих тээврийн хэрэгслийн хурд, байршил, чиглэлийг тогтоох зорилгоор зөвхөн гадны тээврийн хэрэгслүүдэд GPS төхөөрөмж суурилуулах шийдвэрийг гаргасан байна.
Хэрэв та 2018 оны 6 дугаар сарын 14-өөс 7 дугаар сарын 15-ны хооронд хөлбөмбөгийн дэлхийн аваргын тэмцээн зохион байгуулагдах хотуудад зорчихоор төлөвлөж байгаа бол энэхүү төхөөрөмжийг тээврийн хэрэгсэлдээ суурилуулах шаардлагатай болж байна.
Төхөөрөмж суурилуулах захиалгыг www.platon.ru веб сайтаар дамжуулан өгөх эсвэл platon.ru/en.about/service_centre/ веб сайтаар зочлон үйлчилгээний төвүүдийн байрлалыг авч биечлэн захиалга өгөх боломжтой.
Төхөөрөмжийг түрээсээр авах тохиолдолд заавал өөрийн биечлэн очих шаардлагатай.
Тээврийн хэрэгсэл эзэмшигч нь дээр төхөөрөмжийг авахын тулд дараах мэдээлийг Орос хэл дээр орчуулан, цахим эсвэл цаасан хэлбэрээр “Platon” Electronic Toll collection system-д бүртгүүлэх ёстой. Үүнд:
а) хувь хүн бол – овог нэр, утасны дугаар, имэйл хаяг, тээврийн хэрэгслийн гэрчилгээ, гадаад паспортын дугаар
б) хуулийн этгээд бол – хуулийн этгээдийн нэр, регистрийн дугаар, утасны дугаар, имэйл хаяг, улсын бүртгэлийн гэрчилгээ,
с) тээврийн хэрэгслийн гэрчилгээ
Төхөөрөмж тус бүрийн барьцаа төлбөр 6822.98 рубль бөгөөд төлбөрийг дараах хэлбэрээр төлж болно.
1) Platon системээр дамжуулан картаар төлөх – энэ тохиолдолд төхөөрөмжийг ашиглах гэрээтэй танилцаж баталгаажуулсаны дараа төлбөрөө төлнө,
2) QIWI – н төлбөр төлөх цэгүүдэд биечлэн төлж, баримтыг хавсаргах,
3) Platon операторын данс руу төлбөрийг шилжүүлэх – энэ тохиолдолд эхлээд www.platon.ru веб сайтад бүртгүүлэх шаардлагатай. Platon операторын дансанд төлбөр шилжин орсоны дараа төхөөрөмжийг олгоно. Шилжүүлсэн төлбөр 3-7 хоногийн дотор тухайн дансанд орохыг анхаарна уу
Хөлбөмбөгийн дэлхийн аваргын тэмцээн дууссаны дараа Platon-ий үйлчилгээний төвд төхөөрөмжийг заавал буцааж өгнө. Төхөөрөмжийг хүлээн авсаны дараа, хүсэлтийг үндэслэн барьцаа мөнгийг буцаан олгоно.
Төлбөрийн дэлгэрэнгүйг http://platon.ru/en/fifa2018/ веб сайтаас авна уу.
Бүртгэлээ хийж, төхөөрөмжийг хүлээн авсаны дараа таны бүртгүүлсэн имэйл хаяг дээр ирсэн линкээр орж, http://bus.transport2018.com вебд орж холбогдох бүртгэлийг хийн, тэмцээн зохион байгуулагдах хотуудад зорчих автобус тус бүрийн маршрутыг оруулна.
Хэрэв танд бүртгэл хийх болон маршруттай холбоотой асуулт байвал bus2018@td2018.ru имэйл хаяг болон +7 (499) 426-05-72 дугаараар холбогдож тодруулна уу.